Qyteti i Shkodrës është përfshirë gjatë ditës së sotme nga reshje me intensitet të lartë kryesisht gjatë orëve të pasdites dhe mbrëmjes.
Si pasojë e reshjeve ka prezence uji në disa segmente rrugore.
Përmes një reagimi në rrjete sociale, kryetari i kësaj bashkie, Benet Beci thotë se punonjësit e ujësjellësit, shërbimet publike dhe emergjencat civile janë në terren dhe po punojnë për normalizimin e shpejtë të situatës kjo edhe në varësi të situatës së reshjeve.
Aktualisht po punohet në qendër të qytetit, dhe në një banesë në lagjen Kiras, ku mjetet zjarrfikëse kanë ndërhyrë me pompa për tërheqjen e ujit.
Beci shprehet se situata është nën kontroll dhe të gjitha strukturat e bashkisë Shkodër janë në gatishmëri.
