Reshjet e dëborës që kanë rënë në zonën e Llogarasë në Vlorë kanë vështirësuar qarkullimin e automjeteve.
Policia ka sqaruar se për shkak të densitetit të lartë të dëborës në Qafën e Llogarasë, automjetet qarkullojnë me vështirësi.
Mësohet se është ndërprerë lëvizja e mjeteve të rënda, kamionët dhe autobusët.
Policia Rrugore apelon qe të gjithë drejtuesit e mjeteve të pajisen e të vendosin zinxhirë kur të kalojnë në drejtim të këtij aksi rrugor. “Drejtoni mjetin me kujdes”, thotë policia.
