Reshjet e dëborës kanë krijuar problematika në Rrugën e Kombit. Mësohet se nga segmenti Orosh-Kalimash ka probleme me lëvizjen. Megjithatë raportohet se mjetet borëpastruese janë duke punuar.
Mësohet se më së shumti borëpastruesja është fokusuar në zonën e njësisë administrative Fan ku ka prezencë të dëborës edhe në trupin e rrugës.
Ndërsa në Lezhë ka pasur reshje shiu, por me intensitet të ulët duke mos shkaktuar problematika. Në Mirditë ka pasur reshje dëbore.
Deri më tani aty nuk raportohet për bllokim rrugësh, por vetëm për mungesë energjie elektrike në disa fshatra në Kthellë dhe Gëziq.
Në Bashkinë e Kurbinit, territori është përfshirë nga erërat e forta, por nuk paraqiten probleme./tvklan.al
