Analisti Andi Bushati i ka kthyer një përgjigje të shkurtër botuesit dhe pronarit të UET, Henri Çili, mbi një analizë të gjatë që ai ka bërë, ku shpjegon se pse pse e shkroi shkrimin pro Ramës. Çili sulmoi Bushatin duke thënë se është një moralist që s’ka bërë asgjë në këto 20 vite në gazetari. Lexo ketu: http://opinion.al/replika-cili-shkruan-per-bushatin-po-degjeneron-ne-hale-al/
Ndërsa Bushati në portalin e tij, Lapsi.al i kthen një përgjigje të shkurtër, duke u shprehur se nuk e marr seriozisht Çilin.
Përgjigjja e Bushatit:
” Të gjithë i dinë arsyet e vërteta të qëndrimeve publike të Çilit. Këtu nuk është puna nese ka ndëruar ai idetë apo jo. Unë nuk kam asgjë kundër njerëzve që mund të ndryshojnë, bindje, ide, emër, seks, qytet apo kombësi. Por, Çili fatkeqësisht nuk bën zgjedhje të vullnetshme. Prandaj më shumë sesa replika ai meriton citimin e një shkrimtari, që kryeministri i tij i radhës e ka shumë për zemër dhe e përdor vend e pa vend. Unë e kujtoj shpesh këtë shprehje të Milan Kunderës: “Të marësh seriozisht, njerëz të cilëve u mungon krejtësisht serioziteti, është të humbasësh seriozitetin tënd”.
