Kreu i LIBRA u është përgjigjur nga foltorja e Kuvendit, dy ministrave Bushati dhe asaj të Mbrojtjes, Mimi Kodheli. Me tone të forta Blushi u ka rezervuar përgjigje ministrave.
Blushi në parlament replikë me Bushatin e Kodhelin
“Vijnë merren me një njeri që ka 12 vjet në opozitë dhe nuk qeveris, qeveritë vijnë të japin llogari, këtu del gjithë qeveria më kërkon llogari mua, një njeri që nuk qeveris. Akuzoheni për korrupsion, nuk ka, akuzoheni për papunësi e ka fajin Saliu. Si ministër i jashtëm Bushat, unë për shumë arsye nuk kam nënvlerësim për ty, do mbahesh mend se Ukrainës i thua Ukrahinë, Ukrainë nuk vjen nga fjala shqipe krahinë. Ca pati Mimi? Unë thashë se pse republika e Francës ka nderuar Edi Ramën si emigrant shembullor, e di unë se e kam takuar si emigrant, nuk shkeli trafiku, nuk lëshonte gazra, pikturonte te cepat e Senës hante në mënyrë modeste, ishte shembullor dhe e ka nderuar dhe i shpreha mirënjohjen time. Unë thashë, Këtu je në legjionin e turpit, pse ju shqetëson kjo kur ky vetë thotë se janë shokët e mi?
Sot ky nuk pati guxim të mbronte veten nxori Mimin dhe Ditmirin, kur këta ishin në grevë urie, ti ishte në zyrë, u vranë 4 vetë ishte në zyrë, të njëjtën gjë bërë sot nxore të tjerë, por nuk mbrohesh dot.
Dy fjalë për Mimin? Si u fute në kryesi pa radhë, je ministre edhe për këtë arsye, fole për shokët e mi, kam edhe shokë edhe shoqe, ti del në parlament dhe merresh me shokët e mi, ata kanë një të mirë nuk vjedhin, nuk kam shokë që vjedhin, ti ke, në atë qeveri ke sa të duash, kam pasur, ditën që kanë filluar vjedhjen i kam lënë ky është ndryshimi
Ore si e fitoni jetën, vini në kuvend dhe merreni me mua, merrni ryshfet duke u marrë me mua, fitojeni jetën duke punuar, duke dalë si MM, bën hartim dhe e lexon këtu për mua, nuk jam pjesë e strukturave të mbrojtjes, por e strukturave të sulmit.
Dhe një fjali për Ben Ahmetaj në anglisht: Gënjeshtarët numërojnë, por numrat nuk gënjejnë.
