Të gjithë personat që kanë një makinë, janë përballur të paktën një herë me një ndalim nga policia. Kur je çift, zakonisht janë meshkujt ata të cilët e zgjidhin problemin, por ndryshe ka ndodhur me reperin e njohur Elinel. Ai ka publikuar dy video ku shfaqet duke xhiruar nga makina e tij bashkëshorten që ndodhej në makinën përballë dhe e kishte ndaluar policia. Reperi Elinel ka zgjedhur të qëndrojë larg vendit ku po ndodhte ngjarja dhe e ka lënë gruan e tij të sqarohet e vetme me policët.
“Kur gruaja jote është gangsterja”- ka shkruar ai në videon e parë. Më pas në videon tjetër ka treguar plot krenari se policët e kishin lënë atë të lirë dhe me humor reperi ka shkruar:
“Shpëton se je gruaja e Ellit normal.” Ndërkohë reperi ka falenderuar policët të cilët kishin pëlqyer këngën e tij të re, të cilën e ka lançuar dy ditë më parë.
‘Thuj Ellit kanga per familjen shum e fort”, i kanë thënë ata, ndërkohë që reperi i përgjigjet në Instastory “Faleminderit”.
