Pothuaj një vit pas bujës që shkaktuan mesazhet e shkëmbyera mes Afërdita Dreshajt dhe reperit nga Kosova, Agon Amiga, ky i fundit rrëfen të vërtetën për herë të parë publikisht.
Në një intervistë për “Prive”, Agoni tregon se ka rënë viktimë e modeles, e cila, sipas tij, i kishte vënë qëllim veten ta ndante nga bashkëshortja. I penduar dhe i sinqertë, një vit pas ndarjes, ai pranon publikisht se ishte pikërisht modelja e njohur shkaktare e divorcit:
“Është hera e parë dhe e fundit që flas për këtë temë që i përket të kaluarës sime. Njeriu ballafaqohet me sfida të ndryshme në jetë, gabon. Unë jam njeri dhe kam gabuar” – tregon ai duke shtuar se bashkëpunimin me këngëtaren e nisi thjeshtë dhe vetëm si të tillë, pa pasur asnjë qëllim tjetër: “Unë nisa bashkëpunimin në atë kohë pa ndonjë qëllim të keq apo ndonjë arsye. Doja vetëm të mbaroj projektin dhe të vazhdoj jetën time, por ajo ka pasur qëllimet e veta që mua më kanë kushtuar shumë” – rrëfehet Agoni.
Afërdita, sipas Agonit, kishte hyrë në këtë mes me një qëllim tjetër, të cilin ai nuk e kishte kuptuar: “Ajo gjithmonë e ka pasur një arsye për të më ndarë nga gruaja dhe ia arriti qëllimit…” – flet hapur reperi, i cili tregon po ashtu se ai “kurth” i ka kushtuar shumë.
Sot e një vit pas ndarjes, ai tregon se nuk ka ndonjë marrëdhënie me ish-bashkëshorten, Egzonën, e cila pas ndarjes, la Kosovës për t’u rikthyer në vendin ku jetonte para martese, në Gjermani: “Nuk kam ndonjëfarë marrëdhënie me Egzonën. I dëshiroj gjithccka të mirë, sepse e meriton.”
Më tej reperi flet edhe për projektin e tij të fundit “Qyqek”, këngë e cila është e bazuar në këtë tradhti dhe fjalët i ka të bazuara në ngjarjen reale.
