Dy reperë izraelitë kanë bërë thirrje për vdekjen e këngëtares Dua Lipës, modeles Bella Hadid dhe Mia Khalifës në një këngë e cila është ngjitur në krye të top-listave në Izrael.
Kënga, të cilën artistët Ness dhe Stilla thanë se e regjistruan si një “himn lufte”.
Ajo ka mbledhur mbi 18 milionë shikime në YouTube që kur u publikua më 14 nëntor të vitit të kaluar, raporton The Times.
E titulluar “Harbu Darbu”, që do të thotë “bie shi ferri mbi kundërshtarin”, në zhargonin hebraik rrjedh nga fjalët arabe për “sakatim” dhe “goditje lufte”.
Kënga synohet të jetë një himn patriotik për të rritur moralin, sipas artistëve. Me gishtin e mesit lart, reperët i bëjnë thirrje Forcave të Mbrojtjes izraelite (IDF) të sulmojnë këngëtaren Dua Lipa, supermodelen Bella Hadid dhe ish-yllin e pornografisë, Mia Khalifa.
Kënga i bën thirrje IDF-së që “të bjerë një stuhi” dhe “të godasë” një listë të individëve, duke përfshirë gratë që të gjitha kanë mbështetur më parë kauzën palestineze ose kanë bërë thirrje për një armëpushim.
Teksti i këngës përfshin gjithashtu Hassan Nasrallah iranian, Mohammed Deif i cili është kreu i brigadave al-Qassam të Hamasit.
