FNSH dhe RENEA kanë vijuar edhe mbrëmjen e sotme kontrollet në zona të ndryshme të qytetit të Vlorës. Sipas informacioneve, deri më tani efektivët e policisë kanë shoqëruar një person.
Mbrëmjen e kaluar gjatë kontrolleve u arrestuan 6 anëtarë të një grupi kriminal, dy prej të cilëve janë Bruno Shehu dhe Sentiljano Basho. Ky i fundit është vëllai i një personi problematik, Tesi Basho, i akuzuar për një sërë krimesh në Itali dhe Shqipëri.
Tesi Basho është dënuar me burg përjetë edhe në Itali për drogë, për armë dhe falsifikime. Ndërkohë u sekuestruan dy armë zjarri tip pistoletë dhe po verifikohen se kujt i përkasin këto armë.
