Rëndohet bilanci, shkon mbi 9.500 numri i të vdekurve nga tërmeti në Turqi dhe Siri

Më shumë se 9,400 njerëz kanë vdekur pas një tërmeti shkatërrimtar 7.8 ballë dhe qindra pasgoditjesh që goditën Turqinë dhe Sirinë.

Autoriteti i menaxhimit të fatkeqësive të Turqisë ka raportuar 800 persona të tjerë të vdekur që nga përditësimi i fundit në orën 6:40 të mëngjesit.

Në të gjithë Sirinë dhe Turqinë, 1700 persona janë regjistruar si të vdekur që nga ora 1:40 e mëngjesit

Autoriteti i menaxhimit të fatkeqësive në Turqi tha se ka pasur 6,957 vdekje në vend dhe 37,000 njerëz të plagosur.

Në Siri, 2,530 kanë vdekur: 1,280 në zonat e kontrolluara nga kryengritësit dhe 1,250 në pjesët e kontrolluara nga qeveria të vendit.

Në total, të paktën 9,487 persona kanë humbur jetën.