Në nisje të vitit të ri akademik, rektori i Universitetit të Tiranës, Artan Hoxha është pyetur nga gazetarët lidhur me lajmin për rankimin e universitetit të Tiranës nga “Times Higher Education World University Rankings”.
Rektori Hoxha mohoi faktin që Universiteti i Tiranës të ketë rënë me 200 vende në rankim, në kohën kur sipas tij ky universitet shqiptare futen për herë të parë në këtë proces.
Rektori tha më tej se ky rankim është ende në përpunim dhe rezultatet i nxjerr në vitin 2024.
Në fjalën e tij për gazetarët, ai shtoi se “Universiteti i Tiranës nuk është një universitet për ta turpëruar Shqipërinë, por e nderon atë.”
“Nuk është e vërtetë që UT ka rënë 200 vende, sepse ky rankim bëhet për herë të parë për universitetet e Shqipërisë, që domethënë kur futesh për herë të parë nuk ka as më lart as më poshtë.
Ky është një nga rankimet që është në përpunim, rezultatet i nxjerr në vitin 2024.
Në kriteret e rankimit, dy kategori janë të paplotësuara sepse është në përpunim.
Universiteti i Tiranës nuk ka nevojë të shitet as nga unë, as nga kush tjetër, sepse është në vetvete i tillë.
Përveç një rankimi ka edhe të tjera botërore që ne i njohim zyrtarisht. Universiteti i Tiranës ka një diferencë të lartë me institucionet e tjera brenda vendit me një numër pikësh mbi 2000 vende.
Në rang botëror, Universiteti i Tiranës nuk është një universitet për ta turpëruar Shqipërinë, por e nderon Shqipërinë”, tha rektori për gazetarët.
