Kreu i Partisë Demokratike, Lulzim Basha, në një takim të zhvilluar me biznesin e vogël në Shkodër ka deklaruar se situata ekonomike ku ndodhemi është produkt i një krize të gjatë, ndërsa pandemia vetëm sa e zbuloi atë.
Krydemokrati u shpreh se në kushtet ku ndodhet vendi të gjithë duhet të marrim përgjegjësitë, pasi qeveria ka dështuar në menaxhimin e situatës. Ai shtoi se sipërmarrja dhe biznesi i vogël duhet të ketë të paktën ndihmën ekonomike që ka Kosova dhe Maqedonia.
“Të gjithët duhet të marrim përgjegjësitë tona në këtë situatë. Një nga përgjegjësitë është të mbajnë maskën dhe distancën siç po bëjmë sot këtu. Ti bëjmë thirrje qytetarëve që të janë të kujdesshëm, sepse numri i infeksioneve po rritën në mënyrë galoponte dhe në veçanti në kushtet ku qeveria është e paaftë për të dhënë përgjigjen duhet të kemi një kujdes më të madh. Edhe qeveria duhet të bëjë detyrën e vet. Këtu ka dështuar në mënyrë spektakolare. Sipërmarrja dhe biznesi i vogël duhet të ketë të paktën të njëjtën ndihme që ka Kosova dhe Maqedonia. Nëse paratë nuk do të shkonin për shpenzime të kota, nuk do ishim në këtë gjendje. Kjo gjendja është produkt i një krizë të stërzgjatur. Pandemia vetëm sa e nxori zbuluar këtë krizë. Mungesa e ndihmës dyfishoi rënien ekonomike krahasuar me rajonin. Propozuam t’u paguhet 200 mijë lek/muaj për çdo punonjës. Prandaj duhet një qeveri funksionale që merr masa të shpejta.”, tha Basha.
Basha iu kthyer edhe njëherë akuzave të fshehjes së numrit të të vdekurve prej pandemisë, pasi tha se megjithëse numri i djeshëm i viktimave ishte rekord, ai është më i lartë në realitet. Kujtojmë që ditën e djeshme u raportuan 19 viktima nga COVID-19, një shifër ditore rekord.
“Dje kemi pasur një regjistrim rekord vdekjesh. Numri për fakt të keq që fshihet nga Rama është dhe më i lart. Të gjithë duhet të mbajmë përgjegjësitë tona në këtë situatë. Numri i infeksioneve po rritet në mënyrë galoponte, ndaj duhet të kemi kujdes. Këtu ka dështuar në mënyrë spektakolare. I qëndroj dhe një herë propozimit që bëmë në mars, sipërmarrja dhe biznesi i vogël duhet të ketë të paktën të njëjtën ndihmë që jep Kosova dhe Mal i Zi. Kjo gjendje është produkt i një krize të tejzgjatur.”, deklaroi Basha. /Opinion.al
