Trajneri i Kombëtares Shqiptare të Futbollit ka reaguar pas shortit të kualifikueseve të “Euro 2024”.
Në një intervistë për SuperSport, Reja shprehet i kënaqur pasi kanë evituar përballjen me Anglinë dhe Italinë.
Sa i përket kundërshatrëve të Shqipërisë, Reja tha se Polonia dhe Çekia janë skuadra që i njohin mirë, ndërsa shtoi se kjo e fundit është rivali i Kombëtares.
Ndër të tjera, trajneri Reja tha se nëse Kombëtarja nuk bën gabimet që ka bërë ndeshjet e fundit, mundësitë për të vazhduar përpara sipas tij janë të mëdha.
“Polonia dhe Çekia janë skuadra që i njohim dhe janë të vështira. Është një grup që do ta luajmë me të gjitha, mjafton të jemi mirë dhe mos të kemi dëmtime.
Polonia është shumë e veshtirë, por Çekia mendoj që do të jetë kundërshtari ynë. Jemi të kënaqur disi sepse kemi evituar Anglinë, Italinë.Nëse nuk do të kryejmë ato gabime që kemi bërë në këto ndeshjet e fundit do të kemi mundësi të mëdha. Kur të mbarojë kontrata do të ulem me presidentin Duka. Ne nuk kemi probleme, do të shohim pasi të mbarojë kontrata.”, tha Edi Reja.
Kujtojmë se Shqipëria ndodhet në grupin E dhe do të përballet me Poloninë, Çekinë, Ishujt Faroe dhe Moldavinë./Opinion.al
