Numri i infektimeve me Covid-19 vazhdon të rritet në Kosovë. Ditën e sotme, nga 1590 testime, 609 prej tyre kanë rezultuar pozitivë.
Instituti Kombëtar i Shëndetit Publik ka njoftuar se në 24 orët e fundit janë regjistruar 13 viktima.
“Rastet e vdekjes janë nga komunat: Suharekë 3 raste (83,76, 68 vjeç), Prizren 2 raste (62, 57 vjeç), Deçan 1 rast ( 70 vjeç), Kamenicë 1 rast ( 63 vjeç), Junik 1 rast (56 vjeç), Mitrovicë 1 rast ( 83 vjeç), Obiliq 1 rast (75 vjeç), Pejë 1 rast ( 66 vjeç), Prishtinë 1 rast (69 vjeç) dhe Vushtrri 1 rast (67 vjeç)”, shkruhet në njoftimin e IKSHPK-së.
Bazuar në të dhënat e këtij Instituti, sot janë regjistruar edhe 350 raste që kanë mposhtur virusin, derisa raste aktive aktualisht janë 12,864.
Që prej fillimit të pandemisë, kur janë regjistruar rastet e para me Covid-19 në Kosovë, autoritetet shëndetësore kanë raportuar për 35, 549 të prekur nga ky virus, prej të cilëve 939 kanë vdekur. /Opinion.al
