Ministria e Arsimit ka publikuar kalendarin për procedurat e aplikimit dhe regjistrimit në Universitete për vitin akademik 2024-2025.
Ashtu siç shihet, nga data 15 deri më 29 korrik, maturantët do të bëjnë pagesat e tarifave.
Nga data 30 korrik deri më 4 gusht, përmes aplikimit online bëhet përzgjedhja e 10 programeve të studimit.
Ndërsa më 29 gusht maturantët kanë të drejtën e ankimimit.
Faza më e rëndësishme është nga 30 gusht deri në 13 shtator, kur maturantët do të regjistrohen në Universitete, në 7 faza 48 orëshe.
Nga 14-15 shtator maturantët kanë të drejtën e çregjistrimit nga raundi i parë në universitet.
Kujtojmë se rreth 28 mijë nxënës-maturantë në të gjithë Shqipërinë, iu nënshtruan provimeve të Maturës Shtetërore, duke u testuar në 4 provime të ndryshme.
