Mërgim Mavraj ka përfunduar në qendër të vëmendjes ditët e fundit, për shkak se refuzoi të vishte një bluzë kuqezi me logo birre, për shkak se ia ndalon besimi i tij fetar.Vetëm pak para bashkimit me kombëtaren Mavraj përfundoi në qendër të vëmendjes edhe për faktin se në faqen e vet në Facebook bëri thirrje që t’i gjente nuse një personi të vetmuar. Megjithatë, ngjarja me reklamën e birrës ka marrë përmasa të mëdha, duke u kthyer në një debat absurd në rrjetet sociale ku ka debate të shumta.
Në shënjestër është sjellja me dy standarde e Mavrajt, pasi më parë ka festuar duke derdhur birrë, si ndodh rëndom në Gjermani.
Ndërkaq, marka e birrës që refuzoi të reklamonte Mavraj është bërë edhe më e famshme pas kësaj historie, aq sa ndoshta i duhet ta falënderojë qendërmbrojtësin tonë. Veç fotove duke festuar me birrë, tifozët i vënë në dukje Mavrajt edhe sponsorin REWE të Këln që tregton pije të ndryshme alkolike dhe mish derri.
