Prindërit no vax të një djali 4-vjeçar të shtruar në spital për një sëmundje të rëndë, kundërshtuan testin e Covid-it, që ishte i nevojshëm për ta transferuar atë në një spital tjetër dhe u hetuan për tentativë vrasje.
Ngjarja ka ndodhur në Milano të Italisë, ndërsa lajmi raportohet nga mediat italiane, sipas të cilave, tamponi ishte i nevojshëm për të lejuar që foshnja të transferohej në një institucion tjetër, i dobishëm për mjekët për t’i shpëtuar jetën.
Prandaj prokurorët autorizuan mbledhjen me forcë të mostrave biologjike që zbatohet në rast hetimesh duke hapur një dosje, ndaj prindërve për tentativë vrasjeje.
Spitali pritës, i cili ndodhet jashtë Milanos, nuk mund të anashkalonte testin Covid “duke pasur shumë fëmijë në repart që kanë mbrojtje të ulët ose aspak imune”.
