Kryeministri Edi Rama gjatë një interviste nga Nju Jorku ka folur në lidhje me rëndësinë që ka për vendin reforma zgjedhore.
Rama është shprehur se Shqipëria e ka urgjencë miratimin e ndryshimeve të Kodit Zgjedhor, ndërsa thekson se opozita e cila ndodhet jashtë parlamentit nuk mund të jetë kundër, pasi reforma do i përmbahet rekomandimeve të OSBE/ODIHR.
Kryeministri shprehet se pas miratimit të reformës zgjedhore, do të mbahet më pas konferenca e parë midis BE-së dhe Shqipërisë, e cila do të jetë hapi i parë i hapjes zyrtare të negociatave.
“Qëndrimi im është ai që dihet. Nuk dua të bëj polemika dhe nuk dua tu marr kohë shqiptarëve me avazin kush e ka fajin. Ne na duhet të përshpejtojmë procesin e reformës. Të gjithë janë të mirëpritur për më shumë. Rekomandimet janë shkruar e zeza mbi të bardhë dhe ne do të ecim mbi to. Ne jemi të angazhuar për datën e konferencës së parë midis BE-së dhe Shqipërisë që është hapi i parë për zyrtarizimin e negociatave. Ne procesin do ta përshpejtojmë dhe do ta ndajmë në dy pjesë. Pjesa e parë është garantimi i një ligji zgjedhor dhe pjesa e dytë është t’i japim kohë vetes për të diskutuar të gjitha idetë. Në raport me BE-në duhen këto dhe në raport me zgjedhjet e ardhshme këto janë të domosdoshme. Edhe ne kemi një ide që do ta çojmë deri në fund që është vota e shqiptarëve jashtë Shqipërisë. Por kjo i mbetet zgjedhjeve të ardhshme të 2021. Prioritet tani është kalimi i të gjitha ndryshimeve që kanë brenda rekomandimet e OSBE/ODIHR. Përkthyes në gjuhë të huaj për t’u marrë vesh me shqiptarët nuk do të pranoj. Nuk besoj se opozita jo parlamentare është kundër sepse ato janë rekomandime të OSBE-së”,-tha Rama./ Opinion.al E.Xh.
