TIRANE- Është mbledhur sot për herë të parë Komisioni i Posaçëm për Reformën Zgjedhore nën drejtimin e kryetarit të vendit, Ilir Meta.
“Kam besim të plotë se ky komision do punojë me përgjegjshmëri dhe me frymë gjithëpërfshirëse, pavarësisht dallimeve sepse kemi një referencë të përbashkët, rekomandimet e OSBEODIHRit” tha Meta.
Ndërsa Oerd Bylykbashi tha se vullneti politik që pas zgjedhjeve të 2013ës ka bërë që disa reforma të ecin keq apo të mos realizohen fare. Si ky komision…do ishte zgjidhja më e mirë për një numër reformash të kalaura që ose kanë shkuar keq ose s’janë në rrugën e duhur. Reformat kërkojnë konsensues dhe vullnet politik…nëse nuk ndodh kjo zgjedhjet e ardhshme janë në rreziok të madh”, tha bashkëkryetari i djathtë i komisionit.
Bashkëkryetari i majtë i komisionit, Bashkim Fino deklaroi se komisioni ka të gjithë kohën e nevojshme për të realizuar Kodin Zgjedhor në frymën e rekomandimeve të OSBEODIHR dhe ftoi opozitën të bashkëpunojë. “Ne natyrisht do mbajmë në konsideratë gjithë raportin e OSBEODIHR, vërejtjet e tyre duke i përshtatur me vërejtjet e kodit. Koha është e mjaftueshme, të shpresojmë të përfundojë kodi para pushimeve. Suksese të ecim përpara të dyja palët”, u shpreh Fino.
