Kreu i grupit parlamentar të PS, Taulant Balla ka folur këtë të hënë për ngritjen e dy komisioneve të posaçme parlamentare për reformën zgjedhore dhe për reformën territoriale.
Në një dalje për mediat, Balla tha se komisionet do kenë mandat 6 mujor dhe se do të përpiqet të bien dakort me opozitën.
Ndër të tjera Balla beri me dije se bashkëkryetari i komisionit per reformen zgjedhore për PS, do të jetë Damian Gjiknuri.
“Ne kemi dhënë aprovimin e mbështetjen tonë në Kuvend për ngritjen e komisioneve e do votohet të enjten për përbërjen e tyre. PS do ketë 8 anëtarë në secilin prej komisioneve.
Bashkëkryetari i komisionit për reformën zgjedhore do jetë Damian Gjiknuri nga PS. Në kryesi sot kam zhvilluar diskutim për përbërjen e komisioinit të reformës administrative territoriale dhe të enjten për këtë do propozojmë bashkëkryetarin e anëtarët e tjerë për të nisur punën, mandati do jetë 6 mujor.
Mendoj që 6 muaj janë të mjaftueshëm për të hulumtuar e për të vlerësuar gjithë propozimet.
Ata kanë një set propozimesh dhe ne natyrshëm do kemi një set propozimesh. Ju e dini që demokracia është arti apo sistemi ku duhet të përpiqemi të biem dakort.
Nëse nuk biem dakord ju e dini si është zgjidhja.
Por sot s’dua të paragjykoj asnjë output të punës së këtij komisioni. Ka plot çështje që meritojnë të diskutohen”, tha Balla./Opinion.al
