Ditën e sotme opozita e bashkuar zhvilloi mbledhjen me ekspertë dhe përfaqësues të të gjitha forcave opozitare jashtëparlamentare në kuadër të reformës zgjedhore.
Pas përfundimit të mbledhjes ka folur për mediat ish-deputetja Silva Caka. Ajo është shprehur se opozita e bashkuar është tepër e angazhuar për të siguruar zgjedhje të ndershme në të ardhmen.
Po ashtu, ajo ka hedhur akuza ndaj kryeministri Edi Rama, duke thënë se ai nuk e mban fjalën dhe se është i përfshirë në shit-blerjen e votës.
Deklarata e Silva Cakës
E vetmja masë që merr Edi Rama është një deklaratë e tij personale dhe e dimë shumë mirë që Edi Rama nuk e mban fjalën e tij dhe kjo do të thotë të tallesh me qytetarët shqiptarë. Kjo është një deklaratë, e cila thjesht presupozon të heqësh dorë nga shit-blerja e votës nuk përbën asnjë llojë serioziteti përsa i përket përmbushjes së këtij rekomandimi.
Kështu që opozita e bashkuar është tepër e angazhuar ashtu siç e përmendi dhe kolegu Bardhi për të pasur një produkt jo vetëm konstruktiv, jo vetëm serioz, do t’i shërbejë kauze dhe ky është realisht është një mision historik, por mbi të gjitha do të jetë edhe i shpejtë. Kështu që nuk më ngelet gjë tjetër vetëm t’iu falënderoj për vëmendjen dhe t’i uroj shumë suksese këtij grupi, i cili është i përfaqësuar si në nivel politik ashtu edhe në nivel ekspertësh dhe teknik. / Opinion.al
