Pas mbledhjes me deputetët e Berishës, Gazment Bardhi doli në një deklaratë për mediat ku foli edhe për Reformën Zgjedhore.
Gjatë fjalës së tij, ai tha se dje u zbulua skenari i mazhorancës sa i përket reformës zgjedhore.
“Qëllimi i Ramës është që ta trajtojë reformën zgjedhore si mall që shitet në treg. Dhe në pazar Rama ka treguar që është më i zoti se çdo njeri tjetër. E bëri në 2020 dhe po tenton ta bëjë edhe tani. Veçse i ka bërë llogaritë gabim”, u shpreh ai.
Ndër të tjera, Bardhi tha se do t’i drejtohet GJK për të kundërshtuar dy ligje, së pari ligjit për ndërtimin e Portit tregtar të Durrësit dhe ligjit për rritjen e tatimit mbi fitimin për profesionistët e lirë.
“Rreth 260 mijë qytetarë që preken nga rritja e tatimit mbi fitimin do të kenë mundësi t’i bashkohen opozitës në këtë iniciativë pasi do ta dërgojmë në Gjykatën Kushtetuese”, u shpreh ai./Opinion.al
