TIRANE- Opinion.al ka arritur të sigurojë një kopje të draft-propozimeve të eksperteve të Ministrisë së Drejtësisë për reformën në drejtësi.
Disa nene në Kushtetutë kanë nevojë të ndryshohen sipas ministrit të Drejtësisë Ylli Manjani.
Për reformën në drejtësi kërkohet krijimi i një strukture të këshillit të drejtësisë i cili do të ketë përgjegjësi politike.
Në këtë këshill propozohen të jenë Kryetari i Gjykatës së Lartë, Prokurori i Përgjithshëm, Ministri i Drejtësisë, 4 anëtarë të zgjedhur nga Kuvendi, 4 gjyqtarë të të gjitha niveleve, të cilët zgjidhen nga Konferenca Gjyqësore Kombëtare dhe 4 prokurorë të të gjitha niveleve , të cilët zgjidhen nga Mbledhja e Përgjithshme e Prokurorëve. Anëtarët e zgjedhur qëndrojnë në detyrë për 5 vjet pa të drejtë rizgjedhjeje të menjëhershme.
Transferimi i gjyqtarëve dhe i prokurorëve nuk mund të bëhet pa pëlqimin e tyre, përveçse kur këtë e diktojnë nevojat e riorganizimit të sistemit të drejtësisë.
5. Gjyqtari apo prokurori mund të shkarkohet nga Këshilli i Lartë i Drejtësisë kur:
kryen një vepër penale,
ka kryer më parë një vepër penale,
deklarohet i paaftë mendërisht dhe fizikish për të kryer detyrën,
kryen akte apo sjellje që diskreditojnë rëndë pozitën dhe figurën e gjyqtarit apo prokurorit, përfshirë fshehjen,mosdeklarimin apo deklarimin e rreme te pasurise.
konstatohet pamjaftueshmëri profesionale në kryerjen e dretyrës.
Të tjera ndryshime që propozohen kanë të bëjnë edhe me ndryshimet në zgjedhjen e presidentit dhe avokatit të popullit.
