Ish-ministri i Brendshëm, Fatmir Xhafaj, ka uruar për përvjetorin e pavarësisë Shtetet e Bashkuara të Amerikës.
Por teksa ka uruar, SHBA-të, Xhafaj ka folur dhe për reformën në drejtësi, e cila ka ngjallur debat në arenën politike shqiptare.
Përmes një postimi në “Twitter”, Xhafaj shkruan SHBA ka dhënë një mbështetje të jashtëzakonshme në hartimin e Reformës në Drejtësi dhe zbatimit të saj, si garanci kyçe për ta bërë atë të pakthyeshme.
“Sot, më #4korrik, është dita për t’i shprehur mirënjohjen për gjithçka ka bërë në vite për vendin e popullin tonë! Momenti për t’i falenderuar për mbështetjen e jashtëzakonshme në hartimin e Ref në Drejtesi dhe zbatimit të saj, si garanci kyçe për ta bërë atë të pakthyeshme! I shpreh mirenjohjen e veçantë të gjithë atyre miqve e kolegëve amerikanë, në Uashington dhe në Tiranë, me të cilët kam pasur mundësinë të bashkëpunoj fort ndër vite, për forcimin e zbatimit të ligjit e shtetit të së drejtes dhe veçanërisht për Reformën në Drejtësi!”, shkruan Xhafaj./ Opinion.al E.Xh.
