Fatmir Xhafaj është shprehur nga Kuvendi se procesi i vettingut të mos ndalet vetëm me shkarkimin e gjyqtarëve dhe prokurorëve, por të shoqërohen me procedime penale dhe sanksione të rënda.
Xhafaj, njeriu i cili drejtoi procesin e hartimit te reformës ne drejtësi, e bëri deklaratën e tij gjatë shqyrtimit të një prej ligjeve të reformës në drejtësi.
Ai ka kritikuar dhe ka hedhur akuza të forta ndaj gjyqtarëve dhe prokurorëve të cilët marrin ryshfet.
“Duhet te pranojmë se ne mënyre te hapur nje pjese e atyre qe jane ne pritje te vetingut pa asnje droje morale dhe ligjore e kane kthyer dhënien e drejtësisë ne nje shërbim ryshfetesh skandaloze. Per këta syresh largimi nga sistemi duhet te shoqërohet me procedime penale dhe sanksione te renda.”
Ndërkohë, për mungesën e disa institucioneve në sistemin e drejtësisë, Xhafaj është shprehur se ky ngërç nuk ka ardhur nga vettingu, por nga mungesa e bashkëpunimit nga ana e opozitës.
“Natyrisht procesi i zbatimit ka dhe do te kete ne ditet ne vijim risqet e veta, përpjekjet per deformim per kontroll dhe përfitim gjithellojesh mbi te. Do te ishte naivitet dhe miopi te mendoje ndryshe. Kjo nuk është nje reforme eksperiment, por nje reforme qe ka per kundërshtar forca politike me lidership e armiqësi te shprehur edhe publikisht kundër saj.”
Xhafaj nuk ka kursyer dhe kritikat për partinë e tij, duke thënë se duhet të garantojnë një pushtet të balancuar, duke respektuar reformën në drejtësi.
“Nje qeverisje te mire per qytetaret nuk mund ta garantojnë pushtetet e përqendruara, por ato te balancuara dhe te kontrolluara, nuk mund ta garantojnë individët sado te zote e qellim mire qofshin por institucionet e forta mbështetur ne respektimin e kushtetutës dhe ligjit.”/ Opinion.al E.Xh.
