Reforma në drejtësi po zvarritet dhe këtë e pranon edhe Kryeparlamentari Meta. “Nuk janë të paktë ata që janë lodhur nga diskutimet për reformën në drejtësi dhe kjo nuk po ndodh, teksa është bërë cështja kryesore e debatit dhe angazhimit”. Kështu është shprehur kreu i Kuvendit para studentëve.
“Kemi mjaft të rinj dhe të reja që studiojnë dhe kanë studiuar më parë në universitete nga më të mirat në Evropë, në SHBA e vende të tjera që mund të plotësojnë atë boshllëk të krijuar nga implementimi i reformës, një procesin e pastrimit të sistemit nga të gjithë ata që e kompromentojnë”.
Meta theksoi se reforma në drejtësi duhet të miratohet javët që vijnë jo në muajt që vijnë, sepse “se axhenda e integrimit do vonohet dhe do mbahet peng por edhe zgjedhjet afrojnë dhe dallimet politike do bëhen më të forta dhe më emocionale dhe janë në dëm të realizimit të reformës…është koha për të bërë një hap madhor që kjo reformë të jetësohet në javët që vijnë dhe e theksoj jo në muajt që vijnë”, tha Meta.
Kujtojmë se më herët Meta kishte një takim me ambasadorin amerikan Donald Lu pikërsht për këtë reformë.
Në shumë komente të analistëve, është thënë se reforma në drejtësi po mbahet peng nga vetë politikanët. Me deklaratën e sotme Meta duket se u distancua duke kërkuar të miratohet një orë e më parë reforma në drejtësi.
