Lideri demokrat Lulzim Basha ka folur në përfundim të mbledhjes së grupit të PD-së. Ai hodhi poshtë zerat se disa deputetë do të votojnë kundër vullnetit të grupit.
Basha kërkoi që kjo çështje të mos politizohet dhe të mos përdoret për kapital politik, por të bëhet një reformë që do i shërbejë shqiptarëve.
“Grupi i PD ka vullnetin për miratimin e kësaj reforme. Ne priremi nga zgjidhja jo nga bllokimi. Jemi të hapur për negociata edhe sonte edhe nesër gjatë gjithë ditës. Ofrojmë zgjidhje të argumentuara. PD i bën thirrje mazhorancës, të ulemi të gjejmë zgjidhjen për çështjet e akorduara. Jam dakord që të ballafaqohemi edhe publikisht për ato pak çështje që po debatohen”, tha Basha.
