33 deputetë të maxhorancës kanë nënshkruar pasditen e sotme rreth orës 18: 50 draftin më ndryshime në Kushtetutë, në kuadër të reformës në drejtësi.
Mes deputetëve nënshkrues janë ata që kanë qenë pjesë të komisionit të reformës në drejtësi.
Pjesë e nënshkruesve janë edhe kryetari i grupit parlamentar të LSI Petrit Vasili, anëtari i komisionit të Ligjeve Tahir Muhedini.
Ky zhvillim vjen pak ditë para se drafti i ndryshimeve kushtetuese të kalojë në komisionin e ligjeve. Të hënën do të diskutohen pikërisht ligjet e posaçme që shoqërojnë reformën në drejtësi.
Procedura e ndjekur është sipas standardeve që kërkon kuvendi. Burimet për News24 pohojnë se të enjten miratohet kalendari 2-javor ku do të përfshihet edhe drafti i ndryshimeve kushtetuese për reformën në drejtësi. Po kështu burime deklarojnë se brenda 15 korrikut reforma do të jetë në parlament./Balkanweb
