Anëtarët e Partisë Socialiste kanë mbështetur në mënyrë masive referendumin e thirrur me iniciativë të kreut të saj, Edi Rama.
Rreth 97% e anëtarësi që votoi në referendum i është përgjigjur me “Po”, pyetjes “a quhet i rinovuar mandati i kryetarit ku ai zgjidhet kryeministër”.
Por, Ben Blushi dhe Mimoza Hafizi e kanë e cilësuar procesin si farsë.
“Miq socialistë, rezultatet që po dalin nga skena e Referendumit janë akti më qesharak i farsës së shfaqur prej ditësh para shqiptarëve. Kjo ditë, arsye më shumë për të vazhduar me ngulm përpjekjet për demokratizimin e PS, bashkë me ju”, shkruan Hafizi.
Rezultatet e para
Anëtarët e Partisë Socialiste votuan sot në rerefendimin me pyetjen nëse do të duhet të ketë zgjedhje për kreun e partisë, nëse ai zgjidhet Kryeministër.
Të drejtë vote kishin të gjithë anëtarët e PS të anëtarësuar deri më datë 31 dhjetor 2015. Vendim ky i marrë nga drejtuesit e PS-së për të shmangur pretendimet e zërave kundër, se referendumi do të manipulohet me anëtarë të rinj të anëtarësuar në PS.
Që nga ora 08:00 e mëngjesit të sotëm u hapën 383 qendra votimi në të cilat kishte edhe vëzhgues, të cilët ndoqën mbarëvajtjen e procesit, rezultatet e plota të të cilit pritet të bëhen publike mesditën e së dielës.
ZHVILLIMET ORË PAS ORE
ORA 18:50
Pas mbylljes së të gjitha qendrave të votimit, Partia Socialiste ka publikuar të dhënat e para për referendumin.
Ajo që bie në sy është fakti se për qendrat e numëruar, numri i votave kundër është i papërfillshëm.
Nga ana tjetër pjesëmarrja në votim, në të parin referendum që një parti mban, është e jashtëzakonshme.
Qytetet me pjesëmarrjen më të ulët nga ato që janë publikuar deri tani shkojnë në 83%.
Krujë
Pjesëmarrja e votuesve 83%
Vetëm 33 nga 1051 vota kundër
Mallakastër
Pjesëmarrja e votuesve 86.3%
95.8% e votave pro, 4.2% kundër
Roskovec
Pjesëmarrja e votuesve 83.5%
96 % e votave pro, 3.6 % kundër
Rrogozhinë
Pjesëmarrja e votuesve 83%
Malësi e Madhe
Pjesëmarrja e votuesve 94.8%
Vau i Dejës
Pjesëmarrja e votuesve 93.5%
Pukë
Pjesëmarrja e votuesve 86.3%
Has
Pjesëmarrja e votuesve 87.9%
Tropojë
Pjesëmarrja e votuesve 83.8%
