Italianët do të votojnë në 4 dhjetor nëse Matteo Renzi do vazhdojë akoma të qeverisë vendin apo jo. I ftuar në një program televiziv në Itali, ish – Kryeministri Silvio Berlusconi është shprehur se Renzi do të fitojë dhe do të ketë të njëjtën shumicë si më parë në parlament.
Sipas Berlusconit, italianët do votojnë për ta mbajtur Partinë Demokratike në pushtet.
Gjithashtu, kavalieri nuk ka nguruar të thotë me shaka se, në qoftë se Renzi nuk ia del mbanë, “ai e ka derën hapur në Cologno Monzese”.
Por shumë italianë mendojnë se Renzi, i cili erdhi në pushtet në vitin 2014, nuk i ka përmbushur premtimet e tij për të shkatërruar strukturat e vjetra politike e për të rimëkëmbur ekonominë.
Në rast humbje të referendumit, Renzi ka premtuar se do të dorëhiqet. Sondazhet e zhvilluara muajt e fundit kanë treguar se përparësi ka kampi i ndryshimeve./tvklan.al
