Edhe pse prej 4 muajsh nuk është më trajner i Real Madrid, spanjolli Rafa Benitez do të marrë një trofe dhe shpërblim financiar nga drejtuesit e skuadrës madrilène për triumfin që kjo e fundit arriti dje në finale e Champions Leaguer ndaj Atletico. Lajmin e kanë konfirmuar sot mediat spanjolle, që kanë thënë se Florentino Perez për triumfin e 11-të në Champions League do të shpërblejë të gjithë ata që kanë kontribuar në arritjen e këtij misioni.
Zidane e mori skuadrën ne janar dhe ndeshjet e tij të para në Champions ishin ato ndaj Romës në turin e parë eliminator pas fazës së grupeve. Zidane pritet të marrë një shpërblim prej 1.4 milionë eurosh, ndërsa lojtarët nga 700 mijë euro, ndërsa shuma që do të përfitojë Benitez është ende e paqartë. Mediat mendojnë se ai do të marrë të njëjtën premio si lojtarët, e shoqëruar edhe nga një trofe mirënjohje (Benitez tani drejton Newcastle në Premier League).
