Real Madrid mposhti me rezultatin 1-3 Valencian, duke u bërë kështu finalisti i parë i Superkupës së Spanjës, që këtë vit për herë të parë në histori po diskutohet nga 4 skuadra.
Përveç Realit, marrin pjesë edhe Barcelona, Valencia e Atletico Madrid, ndërsa po organizohet në Arabinë Saudite.
Gjysmëfinalja e parë ishte ajo mes “Los Blancos” dhe Valencias dhe u zhvillua në stadiumin “Mbreti Abdullah” në Jeddah, ndërsa madrilenët arritën të triumfojnë me rezultatin e pastër 1-3, në një ndeshje të dominuar totalisht.
Autorët e golave të Realit Madrid janë Kroos, Isco, dhe Modric, ndërsa goli i vetëm i Valencia mban firmën e Dani Parejo, i cili nuk gaboi nga pika e bardhë e penalltisë.
Nesër në mbrëmje do të zhvillohet edhe gjysmëfinalja e dytë mes Barcelonës dhe Atleticos së Madridit, me fituesen që do të diskutojë trofeun në fundjavë përballë Realit të Madridit./ Opinion.al
https://youtu.be/fyOg4y9vjlU
