Kreu i Bashkisë Kamzë ka reaguar pas një deklarate të PS në media ku thuhej se kryebashkiaku i Kamzës kishte dhunuar një person në Bathore. Mziu i ka quajtur këto lajme të pa vërteta dhe të krijuara nga Partia Socialsite, pasi ajo sipas tij është në panik se po shkon drejtë humbjes.
Reagimi i plotë i Mziut
Shtabi elektoral i kandidatit të PD-së dhe kryetari i Bashkisë Kamëz njëkohësisht dhe si kreu i degës së PD-së, reagojnë ndaj trillimeve të PS-së se z. Mziu paska dhunuar një qytetar. Fake News-et e shpërndara nga zyrat e PS-së janë një tregues i qartë i panikut të tyre nga humbja e thellë që i pret. Xhelal Mziu jo vetëm që nuk është i përfshirë në këtë ngjarje të supozuar dhe e shpërndarë si lajm në media, por as e njeh qytetarin, emri i të cilit është i shpërndarë si i dhunuar. I rikujtojmë edhe një herë Edi Ramës dhe PS-së, që e parandiejnë humbjen më parë e cila sot po bëhet fakt, se ndëshkimi i ashpër pritej nga Kamza sot më 25 qershor përmes votës. Kamza dhe Paskuqani kanë votuar në plebishit kundër PS-së për persekutimin politik dhe krahinor që është shfaqur ndaj këtyre banorëve në këtë 4-vjeçar. /opinion.al
