Partia Demokratike, ka reaguar sot për shkrimin e publikuar nga “The economist” për Shqipërinë, duke i konsideruar 8 faqet e artikullit, si vetëlavdërimi më i shtrenjtë i Edi Ramës në këto vite.
Ka qenë Grida Duma, e cila në një deklaratë për mediat, ka pohuar se shkrimi, në faqet e të cilit shkruhet “Advertisement Feature” është një shkrim i paguar nga paratë e taksapgauesve shqiptarë.
“Edi Rama është Kryeministri më i korruptuar në Ballkan dhe nuk ka reklamë që e shpëton”, ka pohuar Duma, duke e konsideruar të nxirë imazhin e një Kryeministri që ka 200 milionë euro pasuri, 1 miliardë dollarë evazion, që e mbushi parlamentin me trafikantë dhe që nuk deklaron pikturat e tij në doganë.
