Pasi Luan Rama doli në një deklaratë për shtyp për të reaguar në lidhje me pretendimet se nën prefekti i Sarandës po shpërndante ushqime në Delvinë në këmbim të votave, vjen një reagim nga LSI-ja e këtij qyteti. Ndonëse sot është heshtje zgjedhore, duket se incidentet e shumta kanë shtyrë që strukturuarat e partive të japin deklarata në lidhje me to.
Reagimi i LSI-së së Sarandës:
E tmerruar nga humbja e nesërme dhe e turpëruar nga lakuriqët e saj të natës dhe të ditës që janë turrur cep më cep për të blerë shpirtrat dhe dinjitetin e atyre, që i lanë pa punë, që u shkatërruan shtëpitë dhe pronën e ngritur me gjak e me djersë.
Rilindja duke shpërndarë thasë me miell e para të thata, tashmë me gojën e kryerilindasit që nesër do të jetë kryehumbësi që përpiqet të fshehë diellin me shoshë, duke u bërë totalisht qesharak e duke deklaruar se makina e batakçijve rilindas në Ksamil është e nën prefektit të Sarandës.
O zotërinj rilindas gjejeni Ilir Hysin tuaj, se ai që është nënprefekt nuk e ka atë makinë në pronësi.
O zotërinj rilindas, pronësia e automjetit është lehtësisht e verifikueshme.
Imagjinoni se në çfarë derexheje është katandisur rilindja.
Kur gënjen për një targë makine, kuptojeni vetë se çfarë mashtrimesh i ka thënë popullit gjatë kësaj fushate.
Prandaj dhe shqiptarët do ta dënojnë nesër me votë.
