Ministri i Brendshëm Sandër Lleshaj përmes disa statuseve në rrjetin social Twitter ka reaguar lidhur me incidentin e ndodhur sot në seancë plenare ku kryeministri Edi Rama u spërkat me bojë nga deputeti Edi Paloka.
Lleshaj e cilëson të turpshme dhe dëshpëruese përpjekjen e opozitës për të njollosur solemnitetin atlantik. Minisitri e krahason me skenat që krijoi Gruevski në Kuvendin e FYROM në vitin 2016, teksa shton se asgjë nuk e ndalon vullnetin e njerëzve të lirë të Ballkanit për t’u bashkuar në NATO dhe BE.
STATUSET E PLOTA
Maqedonia e Veriut në NATO është interes edhe i Shqipërisë. Përpjekja e opozitës për të njollosur solemnitetin atlantik të një vendimi në Kuvend, është turp dhe dëshpërim.,
Përpjekja e sotme ishte shumë e ngjashme me ato skena që krijoi Gruevski në Kuvendin e FYROM në prill të 2017 në bashkëpunim të ngushtë me kumbarët antiatlantikë nga Lindja.
Asgjë nuk e ndalon vullnetin e njerëzve të lirë të Ballkanit për t’u bashkuar në NATO dhe BE. Urime për Maqedoninë e Veriut!/E.M
