Një video e deputetes së Partisë Socialiste, Ledi Shamku ku shfaqet duke kënduar me Frederik Ndocin është bërë shkak për një bujë të madhe mediatike. Të gjithë e kryqëzuan deputeten duke e cilësuar të dehur dhe mbi të gjitha duke e shprehur se ishte një veprim skandaloz nga ana e saj. Por një reagim ka ardhur nga vetë Shamku në lidhje me këtë situatë, ku ajo shprehet se e ka publikuar vetë këtë video dhe mbi të gjitha nuk ishte e dehur. Ajo shton se edhe po të kishte pirë, përsëri nuk do përbënte asnje skandal. Kujtojmë se Andis Harasani, ish drejtor i KESH-it në kohën e Nanos, i ka dalë në mbrojtje deputetes.
Statusi i plotë i Shamkut
Andis, falemnderit me zemër për sa shkruan! Fati i njohjes ka qenë reciprok, shoku! Kanë qenë kohë të bukura opozitarizmi, kur i binim Shqipërisë cep me cep, e preknim vetë me dorë e me shpirt dhe mendoheshim seriozisht si bëhet e mira. Do ta mbaj mend gjithë jetën opozitën e arsimit si kohë me shokë që m’ka rrit në shpirt.
Sa i takon videos, më kap një i papërmbajtur gaz dhe hiç maraz. Ta shpjegoj: unë atë video e kam postu vetë në Natën e Vitit të Ri 2015. Filmimin e ka bërë Tani dhe jemi me një cift bolonjez, miq të ngushtë tanët, që kishin ardhë në Tiranë ta festonin motmotin e ri me ne. Nuk jam aspak e dehur (po edhe po t’kisha qenë, e çë pastaj?!
Më pëlqen shumë me këndu, gjithë tironcit siç ti e di, knojn e kërcejnë me qejf. Dhe Rrik Ndoci eshte kengetar i preferum imi. Kur e postova ketu e 3 vjet më parë, video e bëri “poteren” e vet në kët vendin tonë “të moralshëm”. Tashti e kanë rihedhur sërish në qarkullim, mbas 3 vjetësh, se kushedi ku e kanë hallin ata që e paskërkërkan zbuluar
Aferim ju qoftë nënrrogozave qyqmanë! Unë kam me vazhdu me këndu e me kërcy po njëlloj pa u mçef, aq më fort tani që s’jam më as person publik dhe jeta ime është vetëm imja.
Nuk do më kenë kurrë siç duan “ata”, por siç du un vetë me qenë. Bzoj për nai kafe të ngeshme shoku, kur t’jesh knej në kët katunin tonë Të përqafoj!
https://www.youtube.com/watch?v=-DGZx-dA-YY
