BE ka reaguar për sulmin me armë zjarri që ndodhi pas mesnatës së djeshme ndaj Top Channel, ku mbeti i vrarë punonjësi i sigurisë, Pal Kola.
Delegacioni i BE-së ka dënuar sulmin e ndodhur ndaj televizionit si dhe i bën thirrje autoriteteve të kryejnë sa më shpejt hetimet mbi ngjarjen. Sipas BE-së sundimi i ligjit dhe liria e medias janë dy vlera themelore të shoqërive demokratike që duhet të respektohen.
‘Delegacioni i BE-së në Shqipëri dënon sulmin me armë zjarri në mjediset e Top Channel dhe i shpreh ngushëllimet e thella familjes dhe kolegëve të Pal Kolës, rojes së sigurisë që mbeti i vrarë në sulm.
U bëjmë thirrje autoriteteve shqiptare të kryejnë një hetim të shpejtë dhe të plotë dhe të nxjerrin përgjegjësit para drejtësisë. Sundimi i ligjit dhe liria e medias janë dy vlera themelore të shoqërive demokratike që duhet të respektohen.’- thuhet në reagim./Opinion.al
