Menjëherë pas shpalljes së fituesit të festivalit “Kënga Magjike” , në rrjete sociale kanë “plasur” komentet nga vetë artistët. Të shumtë kanë qenë ata që kanë kritikuar mënyrën e përzgjedhjes së fituesit.
Një reagim vjen edhe nga DJ Sardi, anëtari i jurisë së festivalit. Ai është shprehur lidhur me statuset që po marrin sot vëmendjen e mediave, statuse që sipas tij kursesi nuk mund të shkruhen nga artistë për kolegët e tyre.
Për Sardin, Shqipëria do ishte më e mirë nëse gjithë këto energji dhe komente negative përqëndroheshin për të bërë muzikë.
“KENGA MAGJIKE perfundoi!
Shoh artistë të kënaqur me cmimet qe kan marr, dhe që morën ate qe donin nga ky festival dhe ndihen te vlersuar!
Por shoh dhe te zhgenjyer si cdo vit e vazhdon të përsëritet ky fenomen. Duke shfryr nëpër rrjete sociale, nëpër emisione televizive dhe ndërhyrje që dalin nëpër portale duke i kërkuar miqëve të tyre “gazetare” për të bërë një lajm kundra një spektakli apo një kolegu apo nje producenti! Më vjen keq që shoh veprime të tilla nga artistët kur i tregojnë njeri tjetrit kush kishte këngën më të mirë apo produksionin ose kush këndon më mirë apo më keq… dhe ne fund vlersojnë si amator dhe jo si profesionistë. Vërtet skena PATETIKE të bëra nga “artistet”. Mendoj se në vend të energjisë negative apo inatit, urretje që shfaqin ndaj kolegëve, producentëve apo një festivali, të kishin të njëjtën energji për të krijuar këngë dhe muzikë të mirë dhe Shqipëria do të ishte vendi me muziken me te mirë në botë… me gjithë rrespektin që kam për cdo artist pjesëmarres në ketë produksion gjigand si KENGA MAGJIKE!”
