“Delirimi i paparë i Andi Lilës. Mesfushori shqiptar i PAS është vizituar nga imami ekstrem dhe ka tallur krishterimin, ka tallur shenjtërimin e rregullt në një “koncert” injorance”- kështu e ka cilësuar portali online i radios greke “Spor FM 94.6” videon e publikuar ditën e djeshme ku Andi Lila dhe Armando Sadiku janë shfaqur në krahë të hoxhës Ahmed Kalaja.
“Nuk ndalon së provokuar Andi Lila.” – janë disa nga kryetitujt e mediave greke, të cilat i kujtojnë atij edhe gjestit që bëri duke formuar flamurin e Shqipërisë së Madhe pas shënimit të një goli.
Gjatë transmetimit live në Facebook, në bisedë e sipër futbollisti i ekipit të Janinës ka treguar histori me priftërinjtë grekë dhe bëmat e tij sesi e ka shmangur ujin e bekuar apo kur nuk i ka puthur dorën priftit por e shtrënguar. Edhe pse me tone humoristike, mediat greke pretendojnë për një ndëshkim të ashpër nga ana e Federatës Shqiptare e trajnerit De Biasi por edhe nga klubi grek./opinion.al
