Ambasadat gjermane dhe italiane në Tiranë kanë reaguar në lidhje me protestë e opozitës.
Në reagimin e tyre ato kanë dënuar dhunën, duke theksuar se tubimi të jetë paqësuar.
Ambasada italiane ka bërë thirrje qytetarëve që për arsye sigurie të shmangin rrugët në të cilën zhvillohet protesta.
Ndërkohë, ambasada gjermane i ka bërë thirrje kryetarit të PD, Lulzim Basha dhe kryetares së LSI Monika Kryemadhit që të dënojnë aktet e dhunës.
Reagimi i ambasadës gjermane
Demonstratat paqësore janë një e drejtë themelore e rëndësishme në demokraci. Shfaqje të dhunës, sikurse ishin ato që pamë në datën 11.05., janë tërësisht të papranueshme dhe të papajtueshme me këtë parim. Për këtë arsye ne dënojmë maksimalisht dhunën e çdo lloji. Veçanërisht na shqetëson fakti, që drejtuesi i Prezencës së OSBE në Shqipëri është kërcënuar. Ndaj u bëjmë thirrje udhëheqësve të opozitës Basha dhe Kryemadhi të dënojnë të gjitha format e dhunës ndaj njerëzve dhe institucioneve dhe t’i parandalojnë ato në mënyrë efektive. Si organizatorë ata mbajnë përgjegjësi për zhvillimin paqësor të demonstratave. Në të njëjtën kohë apelojmë forcat shqiptare të sigurisë të ushtrojnë detyrën e tyre në mënyrë konsekuente, me maturi dhe në proporcion me situatën.
Protestat në rrugë nuk zëvendësojnë dialogun e domosdoshëm politik! Ndaj u bëjmë thirrje të gjitha palëve, që në funksion të përafrimit të mëtejshëm të Shqipërisë me Bashkimin Evropian kundërshtitë në qëndrime t‘i zgjidhin në kuadër të një dialogu politik konstruktiv.
Reagimi i ambasadës italiane
“E hënë, 13 maj 2019, duke filluar rreth orës 18.00, do të ketë një protestë politike që do të përfshijë qendrën e Tiranës, në veçanti Bulevardin Deshmoret dhe Kombit, pranë Zyrës së Kryeministrit.
Rekomandohet të shmangni grumbullimet dhe të ndiqni përditësimet përmes shtypit dhe në përgjithësi të përdorni kujdesin maksimal. Gjithashtu duhet të theksohet se ngjarja mund të ketë ndikim në trafik./ Opinion.al E.Xh.
