Kryetari i opozitës Sali Berisha gjatë një konferencë me gazetarët komentoi edhe reagimin e Ajola Xoxës, bashkëshortes së kryetarit të Bashkisë së Tiranës Erion Veliajt.
Berisha tha se nuk e di se cila është shuma që Ajola Xoxa disponon, por thotë se shumat e mëdha të gjetura në kasaforte dhe fondet publike që ajo përfitonte nga Bashkia e Tiranës dhe faturat doganore faktojnë shifrën që është bërë publike nga Prokuroria.
“Se cila është shuma që Ajola Xoxa ka disponuar unë mund të them se vetëm në kasaforttë sipas burimeve të qarta janë gjetur 95 mijë euro dhe një sasi e madhe lekësh.
Së dyti hetimet kanë treguar një seri kompanish të familjes së Erion Veliajt dhe Ajola Xoxës të cilat përfitonin fonde publike nga bashkia e Erion Veliajt, nga institucione të tjera dhe shkonin të gjitha në në arkën e Erion Veliajt dhe Ajola Xoxës. Faturat doganore unë i kam sjellë këtu. Por jam i sigurt që ato janë vënë në dispozicion të Ajola Xoxës, ato faktojnë shifrën e bërë publike nga mediat, shifrën e bërë nga Prokuroria.
Mendoj se aktet më të rënda, më të rënda në ato dosje janë financimi ai Ajola Xoxës dhe familjarëve të saj nga burri i saj, Erion Veliaj, nga paratë e takspaguesve dhe kjo përbën një vjedhje publike të hapur, mbasi kjo nuk duhet dhe nuk mund të ndodhë kurrsesi, nuk ndodh në botë që burri të çojë paratë publike në kontën e gruas së tij. Mendoj se po kaq e rëndë dhe me një shpeshë specifike shumë të veçantë është shpërdorimi që ka bërë kompania “Byla” parave të takspaguesve amerikanë dhe europianë dhe aty dokumentat faktojnë se aty janë bërë përpjekje që me fatura fiktive të justifikojnë grabitjen e atyre parave”-u shpreh Berisha.
