Një prej kuajve të Farma Sotira e njohur për rritjen dhe përdorimin e tyre për qëllime turistike është qëlluar me çifte dhe është vrarë. Ngjarja ka shkaktuar reagime në rrjete sociale pasi është shpërndarë nga vetë poseduesit e fermës.
“Kalin tonë Balashin, e vranë ne zonën e Shelegurit me çifte persona që nuk e dinë çfarë është dashuria për kafshët, dhimbja për ne është e pa imagjinueshme.
Kemi vite që me shumë sakrifica, me shpirt nëpër dhëmbë, mundohemi ta zhvillojmë turizmin, të sjellim mijëra miq në këtë zonë të bukur por dhe pothuajse të braktisur.
Me qëllimin e vetëm për të ndërtuar një jetë për familjen tonë dhe për të frenuar sadopak shpopullimin e këtyre vendeve të mrekullueshme.”- shkruan Farma.
Përmes postimit ata shprehen se në këto kushte zhvillimi i një turizmi të qëndrueshëm po bëhet më i vështirë dhe kanë kërkuar të zbardhet ngjarja.
“Po bëhet çdo ditë dhe më e vështirë por ne nuk dorëzohemi kurrë.
I lutemi organeve përkatëse ta zbardhin dhe dënojnë ngjarjen, por edhe juve miq të na bashkoheni, sepse kjo ngjarje kërkon dënim dhe nga opinioni publik.”-thuhet në postim./Opinion.al
