Prokuroria e Përgjithshme i ka dërguar kërkesë Prokurorisë së Tiranës në lidhje me shpenzimet e kryera nga nënkryetari i bashkisë Tiranë Arbi Mazniku.
Në këtë kërkesë Prokuroria e Përgjithshme shprehet se duke iu referuar materialeve në media kërkon informacion në lidhje me këto akuza.
Më herët Partia Demokratike u shpreh se shpenzimet e Arbi Mazniku i paguante kompania Fusha shpk, e cila sipas saj, ka përfistuar disa tendera jo në përputhje me ligjin“Kjo është fatura e numrit dy të bashkisë i cili për dy net në hotel AlmaBarcelona ka shpenzuar 1816 euro.
Por ajo që përbën skandal përveç çmimit që ia kalon edhe abuzimit të ministrave të Ramës, është fakti se pagesa është bërë nga presidenti i kompanisë Fusha shpk, Shkëlqim Fusha nëpërmjet kartës së kreditit” ka denoncuar PD./ Opinion.al E.Xh.
