Nuk ka ndodhur kurrë më parë që Kombëtarja e Shqipërisë të ketë një mbrojtje alla-italiane. Nëse në vitet ’90 shqiptarët ëndërronin të luanin në një kampionat si Seria A, sot gjithçka është e mundur për ta. Më i kënaquri duket se do të jetë De Biasi, i cili e ka vuajtur shumë mungesën e disiplinës së mbrojtjes së Shqipërisë, e cila është ndëshkuar gjithmonë në fund.
E pra në Francë 2016, Shqipëria do të shkojë me plot katër lojtarë të prapavijës që luajnë në Serinë A. Në portë Etrit Berisha që po kalon një formë të shkëlqyer të Lacio. Në repartin e mbrotjes: Elseid Hysaj që luan titullar te Napoli që kryeson Serinë A, i ndjekur më pas nga Arlind Ajeti të Frosinone dhe Berat Gjimshiti te Atalanta. Kurse në qendër do të jetë Lorik Cana, i cili luan te Nanta në Francë, por që vjen nga një përvojë e gjatë te Lacio po në Serinë A.
Nëse do të ndodhë që edhe Mërgim Mavraj të kalonte te Sampdoria, atëherë ky do të ishte një rast unikal për një Kombëtare futbolli, e cila ka një mbrojtje totalisht të përbërë nga lojtarë që luajnë në Serinë A.
Ku e vetmja kombëtare që mund ta ketë një shans të tillë është Italia.
Më mirë se kaq nuk do kishte preferuar De Biasi, i cili tani uron që ata të luajnë rregullisht dhe sigurisht të mos ketë dëmtime deri në fillimin e fazës finale të Kampionatit Europian. /Opinion.al Dritan Laci
