Zelanda e Re ka raportuar rastet e para lokale të infektuara me koronavirus në 100 ditët e fundit. Katër rastet e reja janë identifikuar brenda një familjeje në Auklland, mirëpo ende nuk dihet burimi i infektimit.
Si përgjigje ndaj situatës, kryeministrja e Zelandës së Re, Jacinda Ardern, ka njoftuar se nga mesdita e së mërkurës, Auklland do të kalojë “në nivelin e tretë” të izolimit, deri në mesnatën e së premtes.
Ky vendim nënkupton që qytetarëve i kërkohet të punojnë nga shtëpia, përveç punëtorëve që e kanë të domosdoshme daljen në punë.
Hapësirat publike, restorantet dhe bizneset po ashtu do të mbyllen, ndërsa organizimet masive do të kufizohen në 100 persona në gjithë pjesën tjetër të shtetit.
Rasti i fundit lokal në Zelandën e Re ishte identifikuar më 1 maj, disa ditë pasi ky territor kishte nisur të lehtësonte masat e izolimit.
Një total prej 22 personave kanë humbur jetën me këtë virus në Zelandën e Re prej muajit shkurt.
Izolimi i shpejtë, kufizimet e ashpra kufitare, dhe një program agresiv i testimit, mendohet se ka ndikuar në menaxhimin e suksesshëm të pandemisë nga ky vend./Opinion.al
