Dita e sotme shënoi rekord rastesh të reja më Covid-19 në vendin tonë. Nga testimet e kryera u konstatuan 42 raste të reja.
Këto janë shpërndarë në 8 qytete të ndryshme të vendit përkatësisht, 21 raste në Tiranë, 9 në Shkodër, 4 në Durrës, 3 në Krujë, 2 në Lushnje, dhe nga 1 rast në Pukë, Berat dhe Ura Vajgurore.
Kjo përbën një fakt shqetësues pasi mund të aktivizohen vatra të reja.
Ministria e Shëndetësisë njoftoi se rastet e Krujës janë qytetarë të cilët kanë marrë pjesë në një ceremoni mortore.
Një rast i ngjashëm ndodhi në Shkodër disa javë më parë kur u aktivizua për herë të parë virusi në këtë qytet.
Ne 24 orët e fundit janë testuar dhe ritestuar 80 personel shëndetësor dhe kanë rezultuar të prekur 5 personel, ndërsa janë shëruar 8 mjekë dhe infermiere.
Në vendin tonë janë aktualisht 327 persona aktivë me COVID19, kryesisht në Tiranë dhe Shkodër, ku ka transmetime komunitare.
Nga fillimi i epidemisë janë kryer mbi 19 mijë testime molekulare dhe serologjike dhe janë konfirmuar pozitivë 1341 raste. /Opinion.al
