Pasaporta e Kosovës zë vendin e 85-të në botë sipas raportit të përvitshëm “Global Passport Index”.
Është rradhitur në këtë vend, nisur nga numri i vendeve në të cilat një shtetas i caktuar mund të udhëtojë pa pasur nevojë për vizë.
Vendin e 85 sipas kategorizimit, Kosova e ndan me Birmaninë.
Pasaporta më e “fuqishme” është cilësuar ajo e Singaporit, e pasuar nga ajo e Gjermanisë dhe Suedisë. Vendin e fundit, të 94-të, e ka zënë pasaporta e Afganistanit.
Pasaporta e Kroacisë është renditur në vendin e 14-të, ajo e Serbisë ka zënë vendin e 38-të, e Maqedonisë është në vendin e 41-të, pasaporta e Mali të Zi gjendet në vendin e 43-të, e Bosnjë dhe Hercegovinës në vendin e 46-të dhe pasaporta e Shqipërisë është renditur në vendin e 48-të, raporton Radio Evropa e Lirë.
