Deputeti i PD, Dash Sula ka kundërshtuar kohën që ka vendosur në dispozicion nga Kuvendi i Shqipërisë për raportimin e institucioneve të pavarura të drejtësisë.
Sula u shpreh se secili nga institucionet duhet të kishte kohën e përcaktuar për raportim, dhe opozita të kishte më shumë kohë, jo vetëm 20 minuta.
“Ka kaluar gjysma e vitit 2024, jam totalisht i zhgënjyer dhe i dëshpëruar me sjelljen e maxhorancës dhe Kuvendit që jemi në gjysmën e muajit korrik dhe akoma nuk kemi përfunduar raportimet. Gushti është muaj pushimesh, të gjithë institucionet e pavarura të drejtësisë kanë paraqitur raportet e tyre që në mars.
Vetëm këtu ndodh kjo, e keni kthyer parlamentin në shtojcë. Ju jepni opozitës 20 minuta për çdo institucion, nuk janë të mjaftueshme. Kjo është tallje në shkallë superiore. Kjo është e turpshme, tregon sjelljen tuaj arrogante që nuk i bën nder Shqipërisë”-u shpreh Dash Sula.
