Kreu i SPAK, Altin Dumani po raporton raportin vjetor të Prokurorisë së Posaçme Antikorrupsion për vitin 2023.
Në lidhje me luftën kundër krimit të organizuar, Dumani cilëson se “Shqipëria vazhdon të ketë një nivel të mirë bashkëpunimi me shtetet anëtare të BE-së, Europolin dhe Eurojust-in dhe ka marrë pjesë në një sërë operacionesh ndërkombëtare të zbatimit të ligjit. Është bërë njëfarë progresi në sekuestrimin dhe konfiskimin e pasurive të lidhura me krimin e organizuar, i cili duhet të vazhdojë edhe në të ardhmen”.
Ndër të tjera ai theksoi se pavarësisht faktit që krimi i organizuar hetohet, mbetet një ndër më të fuqishmit në botë.
“Paçka se hetojmë krimin e organizuar, sot për të qenë realist ndër më të fuqishmit në botë dhe një nivel të sofistikuar subjektesh, masa e arrestit në burg në kërkesat tona zë vetëm 49% të totalit për të cilat është kërkuar një masë sigurie. Aktualisht, numri total i të paraburgosuve nëpër institucionet e ekzekutimit të vendimeve penale nga SPAK zënë vetëm 8.5% në raport me numrin e përgjithshëm të të paraburgosurve në Shqipëri”, u shpreh Dumani.
